chess.am
Լավագույն շախմատային կայքը Հայաստանում

Արամ Հակոբյանը "Աշխարհի պատանի աստղեր" միջազգային մրցաշարի հաղթողն է, Շանթ Սարգսյանը՝ բրոնզե մեդալակիրը

2018-May-29
Արամ Հակոբյանը "Աշխարհի պատանի աստղեր" միջազգային մրցաշարի հաղթողն է, Շանթ Սարգսյանը՝ բրոնզե մեդալակիրը

Ավարտվեց Կիրիշի քաղաքում անցկացվող հեղինակավոր "Աշխարհի պատանի աստղեր" միջազգային մրցաշարը, որին, ինչպես տեղեկացրել ենք, մասնակցում էին Արամ Հակոբյանը, Շանթ Սարգսյանը և Մամիկոն ՂԱրիբյանը։ 

Խաղացված 11 տուրի արդյունքում 3 մասնակից՝ Արամ Հակոբյանը, Կիրիլ Շևչենկոն և Շանթ Սարգսյանն իրենց ակտիվում գրանցեցին 8-ական միավոր։ Տեղերը բաշխվեցին ըստ լրացուցիչ ցուցանիշների։

Այսպիսով՝ "Աշխարհի պատանի աստղեր" մրցաշարի հաղթող դարձավ Արամ Հակոբյանը, Կիրիլ Շևչենկոն զբաղեցրեց 2-րդ հորիզոնականը, իսկ Շանթ Սարգսյանը եզրափակեց լավագույն եռյակը։

Մամիկոն Ղարիբյանը վաստակեց 4․5 միավոր՝ կիսելով 8-10-րդ տեղերը։

Շնորհավորում ենք մեր երիտասարդներին և մաղթում է՛լ ավելի բարձր նվաճումներ։

Մրցաշարային աղյուսակ