chess.am
Լավագույն շախմատային կայքը Հայաստանում

Ինչպես իմանալ քո ներկայիս շախմատային մակարդակը․ Շախմատային ինքնազարգացման ուղեցույց

2019-Sep-17
Ինչպես իմանալ քո ներկայիս շախմատային մակարդակը․ Շախմատային ինքնազարգացման ուղեցույց

  Լավագույն տարբերակը, որպեսզի հասկանաս, թե այժմ դու քո շախմատային ուղու որ հատվածում ես գտնվում, <<իրական շախմատ>> խաղալն է, այսինքն՝ մրցաշարեր, որտեղ դու կարող ես խաղատախտակի առջև խաղալով պաշտոնական վարկանիշ ձեռք բերես։ Եթե չես ցանկանում ջանքեր ու ժամանակ ներդնել մրցաշարերի վրա, ապա կարող ես խաղալ շախմատային կայքերում։ Այստեղ պետք է հաշվի առնել, որ կայքերում ձեռք բերվող վարկանիշը հիմնականում ուռճացված է լինում և ճշգրտորեն համարժեք չի լինի ԷԼՈ-ին (200 միավորով ավելի), բայց բոլոր դեպքերում դա քեզ հնարավորություն կտա հասկանալու, թե ինչ մակարդակում ես գտնվում։

 

Սկսնակ

   Սա խաղացողների այն դասն է, ովքեր բացարձակ սկսնակ են, այսինքն նրանք նախկինում չեն լսել շախմատի մասին, կամ եթե լսել են, ապա երբեք չեն խաղացել։ Առաջին հերթին պետք է սովորել շախմատի հիմնական կանոնները (խաղատախտակի կառուցվածքը, խաղաքարերի քայլերը, զինվորի փոխակերպումը, տեղափոխությունը, մատը)։

   Երբ արդեն կանոնները սովորել ես ու հասկացել, շատ փորձ է անհրաժեշտ հաջորդ մակարդակին անցնելու համար։

 

1000-ից ցածր

  Այս մակարդակում պարտիաների մեծ մասը հաղթանակով կամ պարտությամբ են ավարտվում կոպիտ սխալի կամ սխալների պատճառով։ Ուստի լավ արդյունք ցուցաբերելու համար քեզ ուղղակի անհրաժեշտ է քիչ վրիպումներ անել։ Ահա երկու առաջարկություն, որոնք կօգնեն քեզ վերացնել կոպիտ սայթաքումները։ Նախևառաջ սկսիր գրել քայլդ նախքան կխաղաս այն։ Երկրորդ հերթին, ստուգիր քայլդ գրելուց հետո մոտ 10 վայրկյան՝ համոզվելու համար, որ այն կոպիտ սխալ չէ, որից հետո կարող ես խաղը տանուլ տալ։ Այս փոքրիկ խորհորդը քեզ կօգնի խուսափել կոպիտ սխալների 90% -ից և կփրկի շատ պարտիաներ։ Այս խորհուրդը տարբեր ուժերի շախմատիստների համար է։

 

1000-1199

   Եթե հասել ես այստեղ, ապա ենթադրում եմ, որ վերացրել ես այն քայլերդ, որից անմիջապես հետո ստիպված էիր հանձնվել։ Ճիշտ ժամանակն է սկսելու լուծելու տարրական տակտիկական խնդիրներ (1, 2 քայլանի մատեր, պատառաքաղ, կապ)։ Եթե դու իսկապես ցանկանում ես բարելավել քո խաղը, դու պետք է շարունակաբար աշխատես խնդիրների վրա, ամեն օր։ Հիշիր, որ ավելի լավ է ծախսել 20 րոպե օրվա մեջ, շաբաթը 5 օր խնդիրներ լուծելու վրա, քան 100 րոպե մեկ օրվա մեջ շաբաթը մեկ անգամ։ Համարիր, որ այն քո ուղեղի մարզանքն է։

 

1200-1399

   Սովորիր որոշ սկզբնախաղեր, բայց չափազանց շատ ժամանակ մի տրամադրիր դրա համար։ Կարիք չկա մանրամասն հիշելու անհրաժեշտ է հասկանալ հիմնական գաղափարը, թե ինչ է տեղի ունենում և որտեղ զարգացնել ֆիգուրները Շարունակիր աշխատել տակտիկայի վրա, այն կարող է լինել կամ հարյուրավոր խնդիրներ պարունակող գիրք, կամ CT – ART –ի նման ծրագիր։

 

1400-1599

   Դու արդեն ունես հիմնական գաղափար քո խաղացած սկզբնախաղերի մասին և հավանաբար լավ մարտավար ես (պետք է կոմբինացիանրի վրա աշխատել շարունակաբար՝ լուծելով ավելի բարդ խնդիրներ), ծանոթ ես վերջնախաղային մատերին և զինվորի փոխակերպմանը, բայց դու դեռ վերջնախաղի տեխնիկային չես տիրապետում, որը թույլ է տալիս ավել զինվորն օգտագործել հաղթանակի հասնելու համար։ Կարևոր է կարողանալ հաղթել հիմնական վերջնախաղային դիրքերը, ինչպես օրինակ Արքան ու զինվորն ընդդեմ Արքայի, Արքան ու 2 զինվորն ընդդեմ Արքայի և նմանատիպ այլ դիրքեր։ Նավակով վերջնախաղերը նույնպես շատ կարևոր են, քանի որ հաճախ են հանդիպում։ Ուստի խիստ անհրաժեշտ է առնվազն պարզագույն հասկացողություն ունենալ նմանատիպ վերջնխաղային դիրքերից։

 

1600-1799

   Այս մակարդակում դու պետք է լինես ներդաշնակ խաղացող, ով բավական լավ գաղափար ունի թե ինչ սկզբնախաղ է ինքը խաղում և ինչ դիրքի է այն տանելու։ Քո տակտիկան ավելի ու ավելի լավն է դառնում ամեն անգամ պարապելուց հետո։ Քո խաղը վերջնախաղում նորմալ է, այսինքն դու կարող ես հեշտւթյամբ հաղթել ստանդարտ տեսականորեն հաղթած վերջնախաղերը։

   Եթե վերջնախաղը ստանդարտ չէ, բայց հաղթած դիրք ունես, հավանաբար դու դժվարություւններ ունես հնարավորությունը հաղթանակի վերածելու հարցում։ Ժամանակն է ավելի լուրջ պարապել վերջնախաղերի վրա։

 

 

1800-1999

   Շնորհավորանքներս։ Դու էքսպերտ կամ վարպետի թեկնածու դառնալուն մոտ ես, ինչը բավականին լավ ձեռքբերում է, քանի որ 2000 վարկանիշ ունեցող շախմատիստը ավելի ուժեղ է, քան մեր բոլորակի վարկանիշ ունեցող շախմատիստների 90% -ը։ Սա նշանակում է, որ եթե դու ընտրես պատահական 10 պաշտոնապես վարկանիշ ունեցող շախմատիստների, դու մեծ հավականությամբ կհաղթես նրանցից 9-ին։

  Հետագա առաջխաղացում ունենալու համար դու պետք է համակարգես ամբողջ շախմատային գիտելիքներդ և աշխատես քո անձնական թուլությունների վրա։ Առաջին հերթին պետք է համակարգես քո սկզբնախաղային պատրաստվածությունը։ Կարող ես նաև մեկնաբանություններ ավելացնել հստակեցնելու համար, թե որ քայլերն են ամենալավը և ինչու։ Ցանկալի է, որ ունենաս 2-3 տարբերակ, որոնք լավ գիտես։

   Շատ կարևոր է սեփական պարտիաները վերլուծելը՝ առաջընթաց ունենալու համար։ Վերլուծելու ընթաքցքում դու պետք է գտնես և գրանցես երկու կողմերի սխալները, այլ ոչ միայն քոնը, և առաջադրես ավելի լավ տարբերակներ՝ արդեն խաղացած քայլերի փոխարեն։ Խաղը ճշգրտորեն վերլուելու համար դու պետք է հաճախակի գնահատես շախմատային դիրքերը, որոնք հանդիպում են խաղատախտակին։ Դու պետք է հաշվի առնես այնպսի գործոններ, ինչպիսիք են Արքայի ապահովությունը, որակական աավելությունը, ֆիգուրների ակտիվությունը և զինվորմերի դասավորվածությունը։ Քո սեփական պարտիաները վերլուծելիս նայիր տեղի ունեցող սխալների օրինակներին։ Դու պետք է գտնես, թե ինչ դիրքերում ես դու ավելի լավ կամ ավելի վատ խաղում և աշխատես քո թույլ կողմերի վրա։ Օրինակ, եթե գիտես, որ Թագուհով վերջնախաղերի 60% -ը տանուլ ես տալիս, դա ցույց է տալիս, որ պետք է աշխատես այդ տեսակ վերջնախաղերի վրա։ Պետք է նման ստատիստիկ վերլուծություններ անես նաև սկզբնախաղերի և միջնախաղերի համար։

   Լուրջ շախմատիստ լինելը պահանջում է օգտագործել յուրաքանչյուր հնարավորություն, որ ունեցել ես պարտիայից առաջ , հետո և նրա ընթացքում։ Սննդակարգը, ժամանակի կառավարումը և հոգեբանությունը խաղի կարևոր կողմերից են, որոնք չպետք է թերագնահատվեն։