chess.am
Լավագույն շախմատային կայքը Հայաստանում

Յուդիթ Պոլգար. Հաջողության բանաձև

2019-Sep-17
Յուդիթ Պոլգար. Հաջողության բանաձև

2002 թվականին շախմատում տեղի ունեցավ մի արտասովոր երևույթ: Պատմության մեջ առաջին անգամ կին շախմատիստը հաղթեց

Գարի Կասպարովին, ով այն ժամանակ աշխարհի ուժեղագույն շախմատիստն էր: Հերոսուհին լեգենդար գրոսմաստեր Յուդիթ Պոլգարն էր:

Իր հարցազրույցներից մեկի ժամանակ նա բացահայտեց շախմատում գրանցած աննախադեպ հաջողությունների գաղտնիքը:

 

Հարց 1. Դուք երբևէ ամենաերիտասարդ գրոսմաստերն եք: Այդ արդյունքին հասել եք 15 տարեկանում:

Ինչպիսի՞ զգացողություններ ունեիք, երբ գիտակցում էիք, որ այդ տարիքում արդեն աշխարհի ուժեղագույն

շախմատիստներից մեկն էիք:

- Դա շատ յուրահատուկ պահ էր իմ կյանքում: Գրոսմաստեր դարձա հենց իմ հայրենի քաղաքում` Բուդապեշտում:

Վերջին տուրում պարտության մատնելով մրցակցիս` հաղթեցի մրցաշարում և ստացա գրոսմաստերի կոչում:

 

Հարց 2. Ձեզ վրա հասարակության կողմից ճնշում չէ՞իք զգում, երբ մրցում էիք բավական փորձառու շախմատիստների

հետ: Ինչպես նախկինում նշել եք, Ձեր մրցակիցները տանել չէին կարողանում Ձեզ, քանի որ չնայած դեռահաս

տարիքին, հաղթում էիք նրանցից շատերին:

13 տարեկանում ինձ համար բավական բարդ էր: Լրատվամիջոցների ճնշումը վրաս շատ մեծ էր; բայց հետզհետե սկսեցի

ընտելանալ դրան: Այդ գործում հատկապես քույրերս ինձ շատ օգնեցին:

 

Հարց 3. Բնավորությանդ ո՞ր գիծն է հատկապես օգնել այսքան հաջողությունների հասնել:

Մոտիվացիան, հաղթելու անհագ ցանկությունը, աշխատասիրությունը, կարգապահությունը, ինքնաքննադատ լինելը և շատ այլ բաներ:

 

Հարց 4. Ձեր վերջին հարցազրույցների ընթացքում նշել եք, որ պետք է որսալ հաջողության պահը: Կարո՞ղ եք նշել

հաջողության 3 գլխավոր առանձնահատկությունները:

1. Չնչին հաջողության հասնելուց չպետք է մեծամտանաս:

2. Հաջողության հասնելուց հետո կեղծ ընկերները կսկսեն շատանալ:

3. Հաջողության հասնելուց հետո շարունակիր նույն ձևով աշխատել: Այդպես ավելի մեծ բարձունքների կհասնեք:

 

Հարց 5. Խաղի հետաքրքրությունն այն է, որ կարող ես պարտվել, իսկ հաջորդ պարտիային` հաղթել:

Ինչպե՞ս եք կարողանում ընդունել պարտությունները:

- Երբ պարտվում եմ, փորձում եմ դրանցից ճիշտ հետևություններ անել: Փորձում եմ հասկանալ, թե որտեղ եմ սայթաքել,

իսկ հետո տրամադրվում եմ հաջորդ խաղին: Հաջողակ լինելու համար անհրաժեշտ է զգացմունքներդ կառավարել:

 

Հարց 6. Որքանո՞վ է կարևոր խաղի ժամանակ սեփական մտքերդ իրագործելը

- Հաջողակ լինելու համար անհրաժեշտ է ունենալ կայուն խաղաոճ: Պետք է թե' հոգեպես, թե' ֆիզիկապես լինես հանգիստ

հոգեվիճակում: Երբ ընտանիքիս հետ եմ, ինձ շատ ինքնավստահ եմ զգում: Դա լրացուցիչ խթան է ինձ համար:

 

Հարց 7. Բազմիցս նշել եք, որ պարտիայի ժամանակ կա երկու վճռական պահ, երբ որոշվում է խաղի արդյունքը:

Ինչպե՞ս եք կենտրոնանում դրա վրա:

- Խաղի ժամանակ շատ հաճախ այնպես է պատահում, երբ պետք է ռիսկային քայլեր կատարես: Երբեմն ռիսկդ արդարացնում է իրեն,

երբեմն էլ` ոչ: Մյուս կողմից էլ հաճախ մտածում ես, որ ռիսկի դիմելու համար արդեն չափազանց ուշ է: Լավ արդյունքի համար

պետք է զգաս խաղը և ինտուիցիայով ճիշտ քայլեր կատարես:

 

Հարց 8. Շախմատում շատ մեծ է հոգեբանության դերը: Ինչպե՞ս եք պատրաստվում խաղերին:

Ցանկացած շախմատիստ առաջին հերթին մտածում է միայն հաղթանակի մասին: Այնպես որ շատ հեշտ է տրամադրվել խաղին:

 

Հարց 9. Մրցաշարերի ժամանակ ինչպես է անցնում Ձեր առօրյան

- Առավոտյան մարզասրահ եմ հաճախում, հետո նախաճաշում եմ և պատրաստվում խաղին: Խաղից հետո

սիրում եմ զբոսնել և վերլուծել սխալներս:

 

Հարց 10. Ինչպե՞ս կմեկնաբանեք Կարլսենի և Բիլ Գեյթսի միջև վերջերս կայացած պարտիան:

- Այն շատ զվարճալի էր ինձ համար: Հիանալի է, որ Բիլ Գեյթսը սիրում է շախմատ խաղալ:

mindCenter

Հետաքրքիր


Մրցաշարեր

Հարցազրույց

Հումոր